Invitasjon til Trollrittet 11.september 2010

Postet av Flora Cykleklubb den 30. Aug 2010

Då nærmar sesongen seg slutten, og kva kan då vere bedre enn å sykle 5,8 km i motbakke?
Trollrittet er Flora CK sitt ritt med start på Svarthumle og målgang ved Trollstova på Ramsdalheia.

Konkurransen vert avvikla som fellesstart trimklasse med uoffisiell tidtaking.

Rittstart kl.13. Dei aller yngste startar kl.12.50 evt. saman med dei som vil ta seg ekstra god tid.

Påmelding før torsdag 9.september kl.21 til Rune Horgen mobil: 9283 4977

eller mail: rhorgen@online.no

Startavgift: Kr.50,- opp til 18 år, kr.100,- for voksne.

Etteranmelding ved start fram til kl.12.30 mot kr.50,- ekstra.

Premie frå våre sponsorer til (nesten?) alle vert uttrekt på startnummer.

Til alle deltakarar blir det gratis betasuppe, saft og kaker på den peisvarme Trollstova etter rittet!

Sal av mat og drikke til publikum.

Veganvisning: Svarthumle ligg på gamle RV5 over Ramsdalheia i Flora Kommune.

Frå Florø køyrer ein i retning Førde, men tek til venstre vel 1 km før Sunnfjordtunellen.

Frå Førde/Naustdal køyrer ein gjennom Sunnfjordtunellen. Etter tunellen tar ein første veg til høgre etter vel 1 km.

NB! Vegen er open for alminnelig trafikk, og alle må følge trafikkreglane! Strekninga er særs lite trafikkert, og det vil bli tydelig merking som angir at sykkelritt pågår.