Trollrittet og Sunnfjord Dobbel 2017

Trollrittet, del 1 av Sunnfjord Dobbel, runda av September mnd med nær 50 gode prestasjonar opp Ramsdalsheia! 

Ringerike CK stilte på deltakarlista med lokal representant i Andre Heggø. Han tok, ikkje uventa, ein klar siger. 15min og 22 sek var tida opp. Ingen rekordtid, men så skal det og seiast at syklisten sin største fiende, vinden, ikkje spela på lag med ryttarane.

Bak Heggø, var Flora CK sterkt representert. Kanskje litt ufint, i og med at dei sjølv var arrangør... Geir Kristiansen tok andreplassen føre den 14 år gamle kometen Jonas Osland. Jamt og spanande var det.
Vi ser med glede tilbake på 2017 og utviklinga Jonas har hatt. Elles kan vi merke oss eit nytt tilskot på ungdomsstamma til Flora CK, Mussie Abrham(17år)  med berre knappe 2-3 mnd på sykkelen, sykla han inn til ein heilt uventa og ikkje mindre imponerande 5. plass, med ei tid rett over 18 min. Det eldste blad Abrham, Medhanie - var ute for eit uhell på sykkelen tidlegare same veka, og tok det "roleg" opp bakkane til ein 8. plass. Vi kan og trekke fram Frode Aune Langedal(15), Flora CK, som med stormskritt nærmar seg 20 mins grensa! Neste år, klatrar han nok fleire plassar på resultatlista!

I dameklassa imponerte Bente Sæterdalen Solheim, med å sykle begge ritta, både trim- og turritt. Godt jobba! Elles merkar vi oss at Elida Solheim frå Førde CK fortsett framgangen på sykkelen!

I eit rufsete vèr og under tøffe forhald var det kjekt og sjå at om lag 1/4 av deltakarane denne dagen var barn og unge. Det lovar godt for framtida.

Arrangøren vil rette ein særskild takk til faste deltakarar frå Dale CK, samt eit imponerande oppmøte av nyetablerte Tambarskjelvar IL - Triathlon og Sykkel. Kjekt.

Resultat frå Grimelandsrunden ligg no på Førde CK sine Facebooksider.
Topp 5 i Sunnfjord Dobbel 2017(Trollrittet & Grimelandsrunden) vert dermed slik samanlagt:

1. Geir Kristiansen, Flora CK - 1.32.32
2. Atle Halvorsen, Flora CK - 1.33.51
3. Are Bruåsdal, FLora CK - 1.35.41
4. Jonas Osland, Flora CK - 1.35.52
5. Stig Savland, Tambarskjelvar IL - Triatlon og Sykkel - 1.35.57

Resultatliste frå Trollrittet 2017,  del 1 av Sunnfjord Dobbel.